Galatians 2
1N aye awo-cei-anyi avun, ma, jeze lo Urushelima n gnisun n Barnabas yi n Titus yi. 2Mi ɓei lo nɓo n tnu-tnuyi nu n Shekwoyi ɓo tun mi, mi-i gna ema zaje nya n Shekwoyi zhin lo n abyedo aba. Mi ɓei ku ɓoda n na tukwoda yi n nya tukwo n mi zhin kwo waʼazi, mi zhin nubo ɓa ɓei ku kpe ɓeye n mi da ɓa. 3Ɓa ku ye, ɓa to ɓei damu ko ɓa cige, Tutus emi tnu-tnu kun-zhin yi, a zhin wo kaciyan, ko da yake wo zhin ebyedo nu.Aɓona Tu Owa Tukwo
4Ko ma, ɓenya deye pya to ɓei ɓa ɓen, sai dai aza n ɓa yi ɓahin ge a Yesu viyi, a Yesu viyi a katai n ɓa ɓe, ɓa pmi ɓe gye n yi zhin, ɓa gye a gmada pya n yi n cei dna n Yesu, ko yi shi a Yahudiyi awyidna bwa lo. Ɓa zhin atna ɓa payi gyi n ɓa wyidna n gye a fyenu pa zhi na gmayi. 5Ama, yi to ɓei kna ɓa tnubuan kwo fyewyi, gama yi to ɓei n cei pma fya gye ge a bwa gni-gni dna n kaciya zhin mi nun, kwo a Yahudiyi awyidna bwa shin.6A ikklisiya tukwoda dnagmayi ɓei zhi ɓo, ama ɓa to ɓei bwa enya n ɓa ɓaɓe n mi waʼazin (Ko-dayake ɓa zhin a tukwoda dnagmayi nu ɓa to zhin nya ho nu n mi aban, gama eyi vinya yi zhin gmanyi-gmanyi nu n Shekwoyi aba). 7– 8– 9 ▼
▼The text of verses 7-Gal 2:9 has been merged.
Ɓehin-hin, sanu Bitrus, Yakubu n Yohanna yi n na kpeɓaye n ge ɓa zhin aza dnagmayi nu fi n ikklisiya, ɓei gye shi Shekwoyi wa zhin apma n miyi n na abyedo gni-gni, shi wo ɓei zhin apma n Bitrus yi wa zhin a Yahudiyi waʼazi nyi, ntuge Shekwoyi gmanyi nu ɓei gayi nyaga ye pya, ɓa ga yi bugba kala ge yi gyi abye n waʼazi zhin yi n na byedo aba. Ɓahin ce, ɓa gyi abye n cei n na Yahudiyi aba. 10Enya gmanyi n ɓa ɓei gayi shaula tu kwo tukwo okonuge, yi pa awyekwoyi ɓo, emihin ce ai wo mi pwa lo nu. 11Ama sa n Bitrus ɓei ɓe Antakiya, ma lanu n woi pei-pei, ntu nya ɓo n wo ɓei zhin ntuge kwo to ɓei bmiyan. 12Ntuge sanu n wo ɓei kmi ɓe, wo ɓei gyi nyagyi n na abyedo yi a Yesu viyi nɓata zhin kaciya zhinyin ko na Yahudiyi awyidna m. Ama n navun sanu n a Yahudiyi Yakubu a nugundo ɓei ɓe, to wa shan nyagyi gyi n na abyedo yin, ntuge wo ɓei wo eɓo dna n na Yahudiyi aɓe kniyi ye ɓa da, n ɓa gna ge dole nu a zhin kaciya oza kpe gni-gni bwa. 13Nnavun, a Yahudiyi a Yesu viyi ɓaku ze a munafici da har n Barnaba yi ɓe, ɓa zhin ɓo n Bitrus ɓei zhin nyi ko da yake ɓa kpe ɓeye lo n kwo bmiya. 14Sanu n mi ɓei gye ɓo n ɓa zhin, maku gye ɓata zhin ɓelo n kwo kuncen, ko ɓa vi gaiciya Nabari manayi nyan, ma gna Bitrus n na aza bye, “Kwo da yake Yahudiyi nu na maho, sala mwa shi ho ɓei ya a Yahudiyi kunnu, ho zhin wuna na hoi zhin abyedo a Yesu viyi ɓai vi abeye njesun a? 15A Yahudiyi nu na maho n miyi, yito zhin abyedo aɓo nukwoyi zhin yi nun. 16Yi kpelo ge eyi a Yahudiyi a Yesu viyi, yi ta bwa gni-gni n Shekwoyi aba ntu n ɓa kni ɓon. Ama gaiciya ga gmanyi n Yesu Kristi, kwa zhan yi alaifi ya. Ntu cenu yi kpema Yesu Kristi n na bai Shekwoyi wa gwo yi ntu gaiciya ɓo, to ge ya shi a Yahudiyi awyidna bwan. Ntuge zaho to lo n wo ɓa pwo n tu ɓa bwa shi ɓon.
17“Ama kni nu ɓa zhin eyi gaiciyaga, n Kristi to gni yin ma, sai a zhin yi kaciya ya shi a Yahudiyi awyidna bwa? Yi ta cige gaiciya ga n Yesu kuyi zhin agman? Shekwoyi to ye oza zhin nubo lonu, tu n yi Dagayi tukwon. 18Ai, yi zhin a laifi da nu, yi ya je anya kwo-kwo yi mi n yi la ɓa laya nyi, ko ya zhin atna ge ya shan gni-gni bwa, ntu n na Yahudiyi awyidna bwashi ɓo. 19Gama dna n Shekwoyi ɓeda ba nu, n ma kpe ge mita bwa Shekwoyi gni-gni dna n mi kukari zhin, n mi kalagbayi ge ma shi awyidna bwan. Ma kpe ge Shekwoyi go oza nu n wo ga Kristi gaiciya.
20“Alami zundu n gnisun n Yesu yi, emi n mihin mito ye lon, ama Kristi nu dnalo n sayi ye n mi-mi. Wye-wyeyi hin-hin n mi ncei lo-lo dna n nayi ye n saiye nyi, kwa ɓe ntuge ma ga Shekwoyi Nugun gaiciya nu, n wa yemi wa gawo wyewyeyi ntu n mi ɓo nyi. 21Mito dna lo, n na aza nɓa ta gye Kristi efi ngye nyaho nu nyin. Gama n gye yi ɓei ɓa pwo ntu n na awyidna bwa shi ɓo. Kristi to ɓei ɓa shan fin.”
Copyright information for
GbrGAW